Burokraam in Jāān eo ej Rool waj jen Eowoj ñan Baamle to rej Jerbal (Working Families Tax Credit, WFTC) ej juon bwe in jāān in eowoj ej jibañ rijerbal ro ilo Washington, im baamle ko aer bōke jāān eo elablok joñan ilo ien kanne peba in eowoj. Bwe in jāān eo ej rool waj ej jidikin jāān jen eowoj ñan wia im ej waan joñak jen burokraam eo and Kredit in Eowoj jen Kolla in Jerbal (Earned Income Tax Credit, EITC).
Burokraam in Jāān eo ej Rool waj jen Eowoj ñan Baamle to rej Jerbal enaj lewaj kolla ko rej bed ikōtaan $325 ñan $1,290 ñan kajojo armij ro edik ñan bwe joñan kolla ko aer im rej kōtōbrak jet mennin aikuj ko ikijen maron tōbrak.
Woñ eo emaron tōbrak?
Kajojo armij im baamle ko remaron tōbrak ñan Working Families Tax Credit ilo ien renaj kōtōbrak mennin aikuj ko laajrak:
- Ewōr juon aer Nomba in Social Security (Social Security Number, SSN) ej jerbal ak Nomba in Kalikar Kajojo Armij eo ej Kolla Eowoj (Individual Taxpayer Identification Number, ITIN).
- Ear jokwe ilo Washington iomwin ien eo ejab diklok jen 183 raan ilo iiō in eowoj (elablok jen jimettan in iiō).
- Aikuj 25 ñan 64 aer iiō AK wōr juon nejeir ajiri emaron tōbrak.
- Emōj aer bael peba in eowoj an federal ñan 2024.
- Maron tōbrak in claim Kredit in Eowoj jen Kolla in Jerbal (EITC) eo an federal ilo peba in eowoj ko aer ñan 2024 (ak remaron kōtōbrak mennin aikuj ko an EITC bōtab rej bael kin juon ITIN).
- Etal ñan www.irs.gov/EITC ñan bōk melele ko relablok.
Ta joñan kredit eo?
Joñan kredit eo ej oktak ekkar ñan joñan ajiri ro remaron tōbrak im joñan kolla.
Joñan kredit eo elabtata enaj bed ikōtaan bed ikōtaan $325 ñan $1,290 ekkar ñan joñan ajiri ro remaron tōbrak (lale tebol eo ijin lal). Joñan kein renaj diklok ekkar ñan joñan jemlok ko an kolla, ekkar ñan burokraam in EITC eo an federal. Joñan kredit eo ediktata ej $50, jekdoon joñan ajiri ro remaron tōbrak. Kakien ko an Washington ñan ajiri ro remaron tōbrak rej loor mennin aikuj ko an EITC an federal.
| Nomba in ajiri ro remaron tōbrak | Armij eo ej kateruru aikuj kōmmane diklok jen joñan eo laajrak | Joñan kredit eo elabtata | |
|---|---|---|---|
| Juon armij make | Rimarre (bael ibben doon) |
||
| 0 | $18,591 | $25,511 | $325 |
| 1 | $49,084 | $56,004 | $640 |
| 2 | $55,768 | $62,688 | $965 |
| 3 | $59,899 | $66,819 | $1,290 |
Kanne peba ñan eowoj eo an iiō eo lok 2023 2022
Ebōk jibañ
Ebōk jibañ ilo jukjukinbed eo am
Emōj amim kobalok ibben doulul kein ilo jukjukinbed (ilo Kajin Belle im Spanish) ñan lewaj jibañ im melele kin Working Families Tax Credit. Remaron lewaj melele im jibañ eok kanne ablikajon ko.
Mennin jibañ ko relablok im ejellok wonneir
Kobalok ibben jikin ko ilo jukjukinbed kim ej kobalok ibbeir, ewōr mennin jibañ ko jet ejellok wonneir ekoba jibañ ko jen armij ro rej kanne peba in eowoj im melele kin jāān. Bōk melele ko relablok (ilo Kajin Belle im Spanish).
Kōmelim an juon armij kenono ibbamim kin ablikajon eo am
Ñe kwōkōnaan bwe juon armij en kenono ibbamim ikijen ablikajon eo am ak melele in akkoun in WFTC, kwōnaj aikuj letok ñan kim kōmelim ilo jeje ilo am kōjerbal peba eo amim: Kōmelim Lelok Melele in Eowoj ko Rejab Aikuj Ajeeded Kōmelim an Diwōjlok Melele ko kin Eowoj rejab aikuj Ajeeded (PDF) : (Confidential Tax Information Authorization, CTIA).
Emōj ke am lelok ablikajon eo am?
Kajitōk jibañ ilo wāween ak kajin eo juon
Ñan kajitōk kobban melele kein ilo bar juon wāween ak kajin kall ae lok 360-763-7300, email DORWFTC@dor.wa.gov, ñe ejab kadedelok Kajitok jibañ kin kajin ak jibañ ko ilo wāween ko jet. Ro rej kōjerbal jeje ko ilo taip (Teletype, TTY) jouj im jibed 711.
Kajitōk juon etale
Ñe kwōjab errā kin kelet eo ear kōmman ilo ablikajon in WFTC eo am, ewōr am maron in kajitōke juon etale. Kim ej kūr mennin "kajitōk ñan etale."
Kwōmaron kajitōk juon etale ñan wāween ko laajrak:
- Etale lablok in kolla.
- Jab tōbrak ablikajon.
- Kwar loe juon letā ej lewaj kakien jen opij eo.
Rej aikuj loe kajitok eo iloan 30 raan jen raan eo an jemlok eo, einwōt raan eo ilo letā ak kakien eo kwōnaj loe. Kajitōk ko ñan etale renaj jilkinlok ibben US Postal Service renaj watōke emōj aer bael ilo raan eo renaj jitaam. Kajitōk ko ñan etale renaj bael kin wāween ko jet renaj watōke emōj aer bael ilo raan eo rekkar loe.
Wāween kajitōk juon etale
Ñan kajitōke juon etale, kwōj aikuj bael kajitōk ilo jeje.
Lablok in kolla ko
Ñe rekkar etale im loe ekkar lablok an iwōj kolla, kwōmaron bael ae juon Kajitōk ñan Etale ilo am kōjerbal juon ian wāween ko laajrak:
- Online ilo am kōjerbal My DOR. Lale kōmelele ko (ilo kajin Belle ak Spanish).
- Kin peba ilo am kōjerbal Kajitok Etale Working Families Tax Credit ko rej Jerbal.
Wāween ko jet
Ñan aoleb wāween ko jet, jouj im kōjerbal Kajitok Etale Working Families Tax Credit ko rej Jerbal.
Loar ej jutak ikijem
Kwōmaron jutak ikijem ak loloorjak an bar juon armij jutak ikijem (einwōt ribōnōbōn eo am ak armij eo ear kanne peba in eowoj ko am). Bōtab, ñe ewōr juon armij ej jutak ikijem, kwōj aikuj kadedelok am jaini peba in Kōmelim an Diwōjlok Melele ko kin Eowoj rejab aikuj Ajeeded (PDF) ej letok kōmelim ñan amim kenono kin melele in eowoj ko am ibben armij eo ej jutak ikijem. Bwe en bidodo ñan kwe, peba in kajitōk eo am ewōr jikin CTIA ñan am jaini etam.
Kūr waj kim ñan kenono
Ñan kūr waj juon rikenono ñan an lewaj melele ñan kwe ak doulul eo am, jouj im email ae lok DORWFTC@dor.wa.gov ñan kōlaajrake juon ien aer iwōj.
Outreach Advisory Committee
Emōj an Department of Revenue (DOR) kajutak juon Kamiti ej lelok Rōjañ kin Melele ñan kōkmanmanlok an etal melele ñan kajojo armij ro rej kateruru ñan Burokraam in Jāān eo ej Rool waj jen Eowoj ñan Baamle to rej Jerbal im armij ro rej jerbal ibbeir ilo aer jibañ lelok melele kin burokraam in aer ekāāl. Bōk melele ko relablok (ilo kajin Belle ak Spanish).
Lelok juon abnōnō
Ñe kwar kajitok, bōtab kwar JAB loe, jerbal in jibañ ko jen juon rijerbal ak armij ej jutak ikijen Department of Revenue ñan an iwōj melele ilo juon bar wāween ak ilo kajin eo am (ekoba jibañ kin kajin kakōlle), kwōmaron lelok juon abnōnō.
Ewōr ke kajitōk?
Email DORWFTC@dor.wa.gov ñe ejab kall ae lok 360-763-7300. Ewōr jibañ ikijen riukok.