ដាក់ពាក្យស្នើសុំឥណទានពន្ធឆ្នាំ 2023

 Working Families Tax Credit (ឥណទានពន្ធសម្រាប់គ្រួសារធ្វើការ) គឺជាការបង្វិលសងប្រាក់ពន្ធដែលជួយដល់អ្នកធ្វើការនៅទីក្រុង Washington និងក្រុមគ្រួសាររបស់ពួកគេឱ្យទទួលបានប្រាក់មកវិញកាន់តែច្រើននៅពេលបង់ពន្ធ។ ប្រាក់បង្វិលសង ផ្ដល់ត្រលប់មកវិញនូវចំណែកនៃពន្ធលើការលក់ដែលបានបង់ជារៀងរាល់ឆ្នាំ ហើយត្រូវបានយកគំរូតាមកម្មវិធីឥណទានពន្ធលើប្រាក់ចំណូលដែលរកបានរបស់សហព័ន្ធ (Earned Income Tax Credit, EITC)។

កម្មវិធីឥណទានពន្ធគ្រួសារធ្វើការ Working Families Tax Credit (WFTC) នឹងផ្តល់ជូនការបង់ប្រាក់ចាប់ពី $315 ដុល្លារដល់ $1,255 ដុល្លារដល់បុគ្គលដែលមានចំណូលទាបទៅមធ្យម ដែលបំពេញតាមតម្រូវការទាមទារភាពមានសិទ្ធិទទួលទទួលបានជាក់លាក់។

តើនរណាជាអ្នកមានសិទ្ធិស្របច្បាប់?

បុគ្គលនិងក្រុមគ្រួសារមានសិទ្ធិទទួលបានឥណទានពន្ធគ្រួសារធ្វើការ Working Families Tax Credit ប្រសិនបើពួកគេបំពេញតាមតម្រូវការទាមទារទាំងអស់ដូចខាងក្រោម៖

• មានលេខធានារ៉ាប់រងសង្គមកិច្ចត្រឹមត្រូវ ( Social Security Number (SSN)) ឬលេខអត្តសញ្ញាណអ្នកបង់ពន្ធបុគ្គល ( Individual Taxpayer Identification Number (ITIN))។
• បានរស់នៅក្នុងទីក្រុងវ៉ាស៊ីនតោន Washington យ៉ាងតិច 183 ថ្ងៃក្នុងឆ្នាំបង់ពន្ធ (ជាងពាក់កណ្តាលឆ្នាំ)។
• មានអាយុពី 25 ទៅ 64 ឆ្នាំ ឬមានកូនដែលមានលក្ខណៈសម្បត្តិគ្រប់គ្រាន់។
• បានដាក់របាយការណ៍ពន្ធសហព័ន្ធឆ្នាំ 2023។
• មានសិទ្ធិទាមទារឥណទានពន្ធលើប្រាក់ចំណូលដែលរកបានរបស់សហព័ន្ធ Earned Income Tax Credit (EITC) នៅក្នុងរបាយការណ៍បង់ពន្ធឆ្នាំ 2023 របស់ពួកគេ (ឬបំពេញតាមតម្រូវការទាមទារឥណទានពន្ធ EITC ប៉ុន្តែត្រូវដាក់ឯកសារដែលមានលេខ ITIN)។
  • សូមចូលវិបសាយ www.irs.gov/EITC ដើម្បីស្វែងយល់បន្ថែម។

តើចំនួនប្រាក់ឥណទានជាអ្វី?

ចំនួនទឹកប្រាក់ឥណទានប្រែប្រួលអាស្រ័យលើចំនួនកូនដែលមានលក្ខណៈសម្បត្តិគ្រប់គ្រាន់និងកម្រិតប្រាក់ចំណូល។

ចំនួនទឹកប្រាក់ឥណទានអតិបរមាមានចាប់ពី $300 ដុល្លារដល់ $1,200 ដុល្លារ អាស្រ័យលើចំនួនកូនដែលមានលក្ខណៈគ្រប់គ្រាន់ (សូមមើលតារាងខាងក្រោម)។ បន្ទាប់មកចំនួនប្រាក់ទាំងនេះត្រូវបានកាត់បន្ថយដោយផ្អែកលើកម្រិតប្រាក់ចំណូល ដោយផ្អែកលើកម្មវិធីឥណទានពន្ធ EITC របស់សហព័ន្ធ។ ចំនួនទឹកប្រាក់ឥណទានអប្បបរមាគឺ $50 ដុល្លារ ដោយមិនគិតពីចំនួនកូនដែលមានលក្ខណៈសម្បត្តិគ្រប់គ្រាន់និងកម្រិតប្រាក់ចំណូល។ ច្បាប់របស់វ៉ាស៊ីនតោន Washington សម្រាប់កូនដែលមានលក្ខណៈសម្បត្តិគ្រប់គ្រាន់ អនុវត្តតាមតម្រូវការទាមទារឥណទានពន្ធ EITC របស់សហព័ន្ធ.

តើត្រូវដាក់ពាក្យសុំដោយរបៀបណា?

អនឡាញ

ដាក់ពាក្យសុំដោយប្រើកម្មវិធី My DOR ដែលជាប្រព័ន្ធដាក់ឯកសារអនឡាញដែលមានសុវត្ថិភាពរបស់យើង។ មានជាភាសាអង់គ្លេស និងអេស្ប៉ាញ។

តាមក្រដាស

ទាញយកពាក្យសុំជា PDF ដើម្បីផ្ញើតាមប្រៃសណីយ៍ ឬប្រគល់ជូនផ្ទាល់ទៅទីតាំង ការិយាល័យណាមួយរបស់យើង (ជាភាសាអង់គ្លេស និងអេស្ប៉ាញ)។ ទាញយកពាក្យសុំ និងការណែនាំ

• ពាក្យសុំឥណទានពន្ធគ្រួសារធ្វើការឆ្នាំ (PDF) 
• សេចក្តីណែនាំ (PDF)

Efile

ដាក់ពាក្យសុំដោយប្រើកម្មវិធីសូហ្វរៀបចំពន្ធ។ ពិនិត្យមើលក្រុមហ៊ុនណាខ្លះ ដែលអ្នកអាចដាក់ពាក្យសុំបាន។ ស្វែងរកក្រុមហ៊ុនរៀបចំពន្ធ  (ជាភាសាអង់គ្លេស និងអេស្ប៉ាញ)។ សូមជ្រាបថា ក្រុមហ៊ុនទាំងនេះអាចគិតថ្លៃសេវា ដើម្បីប្រើប្រាស់សេវាកម្មរបស់ពួកគេ។ ស្វែងរក ជំនួយបំពេញឯកសារបង់ពន្ធឥតគិតថ្លៃ ឬតម្លៃទាប (ជាភាសាអង់គ្លេស និងអេស្ប៉ាញ)។

ទួលជំនួយ

• ទទួលបានជំនួយនៅសហគមន៍របស់អ្នក។
• ធនធានឥតគិតថ្លៃបន្ថែម។
• អនុញ្ញាតឱ្យនរណាម្នាក់និយាយប្រាប់យើងអំពីការដាក់ពាក្យសុំរបស់អ្នក។ ការផ្តល់សិទ្ធិអនុញ្ញាតព័ត៌មានពន្ធសម្ងាត់។
• ដាក់ពាក្យសុំរបស់អ្នករួចហើយ? ពិនិត្យមើលស្ថានភាពការសងប្រាក់វិញរបស់អ្នក (ជាភាសាអង់គ្លេស និងអេស្ប៉ាញ)។
• ស្នើសុំសំណុំបែបបទភាសាឬសេវាភាសាដែលមានជម្រើស។
• របៀបស្នើសុំការពិនិត្យឡើងវិញ។
• ដាក់ពាក្យបណ្តឹង។